'يا طيب ابو تركي حاضره وماضيه'

لا غاب بدر (ن) بالمقابيل نرجيه
سود الليالي تحجبه وتجيبه.

نوبات تسفر به ونوبات تخفيه
ودورات الأيام تحسب مطلعه ومغيبه.

واللي غدا منا بكت له لياليه
واليوم لا جا الليل نوحي نحيبه.

يشعل ضوا القمر ولا غاب يطفيه
والليل يسري به ويهتدي به.

طفا سراجه ودربنا من يجديه
عقب ابو تركي الضوا واشنبي به.

حر تعلا للنجم والوكر عاليه
وعينه تباري منزله وحبيبه.

في مجلسه سلطان محد (ن) يجاريه
ولا إنتخى عجيل يدمي صويبه.

يا طيب ابو تركي حاضره وماضيه
أقفا ولد تركي وعيا طبيبه.

طوى شراعه بليل وودع شواطيه
عجل (ن) عبر محد (ن) لحق يهتني به.

نجم انحدر من عل والضو يبكيه
وأمست ليالينا بدونه كئيبه.

فزت طيور الصبح فوقه تباريه
فرقا ابو تركي عليها صعيبه.

عجيل ارتحل واقفا وهذي مساريه
نجم انكتب مطلعه مع مغيبه.

نبكي على عجيل لا حل طاريه
يا ليت سهم الموت أخطا يصيبه.

تركي أنا يابوك ماني أبرثيه
أنتم عزانا بالظروف العصيبه.

ابوك حر (ن) والشواهيق تغويه
وانتم مواكركم لوكره جريبه.

فارس وحول والفرس له راعيه
والخيال من السعدون ينطح كتيبه.

ابوك ودعكم وفيكم هقاويه
وانتم تشيلون الحمول الصعيبه.

من لابة (ن) الطيب لا شح تعطيه
تفعل وتبذل وتمنح الطيب طيبه.

يا عل دربه نور وغمام (ن) يغطيه
وحنا على الدرب كل ونصيبه.

عبداللطيف الصالح السعيد

1 مارس 2015