وضّاح لنفط الخليج: يا مخرّب الثورات !

نشر الزميل 'وضّاح' في صحيفة الطليعة الصادر صباح اليوم قصيدة يتهم فيها 'نفط الخليج' بأنه يعرقل الثورات العربية، وجاء فيها ما يلي: 

 

يا نفطنا يا مخرّب الثورات!

 

شعر:  وضّاح

نفط الخليج اللي تصب

مهدور في الصبخات!

رديت «صالح» لليمن

رديت ريّس «نيغاتيف»

عقب النهاية الواضحة

 

تقرا كتابك بالغلط

من أول الصفحات!

 

رديت فرعون لمصر

رديت نسخة ثانية

وفرعون عصره فات

 

نفط الخليج اللي تصب

يـا مخرِّب «الثورات»!

 

خايف «ربيعك» يبتدي

ويغار من ثورة غضب؟!

و«الشام» حسنه ينتشر

عاصي ويرسم كلمته

في وجهنا.. شامات؟!

 

منهو يوقّف هالزمن؟!

منهو يوقّف دورته؟!

غلطان يالنفط النذل

غلطان ما تقرا عدل

ما تدري إنّك تشتغل

خارج حدود الأزمنة

وإن الفكِر

هذا الفكر..

كلّه توفّى.. ومات