سالفة وقصيدة، نصيحة الهويدي

للشاعر سليمان الهويدي رحمه الله غزارة شعرية جادت بها قريحته بالعديد من قصائده، ومنها هذه القصيدة المليئة بالحكم والكلمات الجميلة، من شاعر خلّد اسمه في سماء الشعر، وترك لنا أجمل القصائد التي تطرب مسامعنا، يبرز من بين أبياتها بيت أصبح مضرباً للمثل يقول فيه:

لو تنصف الناس ما نحتاج للقاضي.. تلقى المحاكم خفيفاتٍ مشاكلها وفيما يلي نص القصيدة:

ياصالح البحث خله واترك الماضي.. عوج الليالي عسى ربك يعدلها

لا تتبع النفس ترث فيك الامراضي.. وادع الحواسيس عنك لاتخيلها

واعمل لدنياك واخرتك وكن راضي.. وارزاقنا عند رب العرش كافلها

واسلك طريقٍ سليمٍ فيه تعتاضي.. بعض المواقف تبيّض وجه فاعلها

وأحذر تسارع على الهرجه وتقتاضي.. ودعوة تعداك..لا تشرح بفايلها

عندك خبر بالعلوم اطوال واعراضي.. ماتنقضي الحاجه اللي ماتقوم لها

وافطن لوقت رمى راعيه بالحاظي.. دنيا لشروى الفهد تنصب حبايلها

الوقت هو والوقت.. والافراض الافراضي.. هذي نجوم السما وهذي منازلها

مابه تبدل ومد البحر ما فاضي.. تبدلن الضماير من يحللها

لو تنصف الناس ما نحتاج للقاضي.. تلقى المحاكم خفيفاتٍ مشاكلها

ولو الغنايم تحي وهبات واحظاظي.. كان اكثر اللي تشوفه ما يحصلها

ومن راقب الخلق يكسب هم بالفاضي.. كل(ن) هدومه على قده يفصلها

والختم أصلي على عدد ما بارقٍ ناضي.. على نبيٍ بدا السنه وكملها

سليمان الهويدي