رحل، وبقي صدى كلماته

الأسير الشهيد فائق علي محمد العياضي، أديب وشاعر كويتي، اشتهر بإسم فايق عبدالجليل نسبة إلى خاله عبدالجليل الذي تولى رعايته، من مواليد الكويت عام 1948، بدأ حياته رساماً ثم اتجه إلى كتابة الشعر صدر ديوانه الأول عام 1967 تحت عنوان وسمية وسنابل الطفولة، وهو أول عمل شعري للكويت يؤرّخ للكويت القديمة بعد ذلك اتجه فايق لكتابة الأغنية وحقق انتشاراً واسعا، وله العديد من الأصدارات الشعرية بالعامية والفصحى وله قصائد غنائية معروفة على مستوى الوطن العربي، وقام بعمل أوبريت والله زمن، وأوبريت بساط الفقر، وأوبريت (جسر المحبة)، وأوبريت سندريلا.

غنى من قصائد فنان العرب محمد عبده وعبدالكريم عبدالكريم عبدالقادر وابو بكر سالم وطلال مداح وعبادي الجوهر وعبدالرب ادريس وغيرهم.

في 3 يناير عام 1991، أسر الشاعر فائق عبدالجليل خلال الغزو العراقي للكويت، وفي يوم 19 يونيو عام 2006 أعلن عن استشهاده.

قبل أن يتم أسره خلال الغزو العراقي للكويت بتهمة تحريض الشعب الكويتي على مقاومة الاحتلال، كتب هذه الأبيات عند الحدود خلال توصيله لأهله:

عند الحدود..
أمي وأم عيالي..
 هم شمس الوجود..
 مقدر أخليهم وأعود
لا يا وطن.. لازم أعود..
 أنت المحبة.. ولك أنا بكل شيء أجود..
 لازم أعود

((ياكويت))

يا كويت.. ذكرك حلا، واسمك حلا
 أعطش.. وأحس ان الحلا طعمه يطيب
 وصار النصيب..إنك تكونين الحبيبة لي وأكون أنا الحبيب
 حبيب الأرض يا أنت، إذا شفت الحزن طوق طريق البيت
 إذا شفت الخطر قادم.. تهجي بس باسم الكويت..
 أرمي في عيون الخوف.. حفنة من رمل الكويت
 وأرمي في لهيت الحقد.. ضحكة من بحر الكويت

(( آخر زيارة ))

آخر زيارة .. حسيت في آخر زيارة
شي بعيونك مختلف .. وشي بحديثك مختلف
حتى حديثك مختلف
كنت بشكوك
وشفت الحقيقه في عيونك .. تعترف
موقف غريب .. موقف أبد ما ينوصف
وين الكلام .. وين الحرارة في السلام
كبير الفرق ما بين .. أول لقا
وآخر زيارة
مدري شقول .. ياحب خانتني العبارة
مدري شقول .. والحر تكفيه الإشارة
كل شي حبيته في بيتك نساني
الهدوء .. الليل .. الصمت .. الأغاني
حتى لون الورد .. الفرحة ومكاني
داهمتني الغربة .. ليتني ما جيت
ليتني رديت
حزني غرّب ضحكتي
لساني ضيّع كلمتي
حسيت بالياس
ومشيت
كنت بشكوك
وشفت الحقيقة في عيونك .. تعترف

(( وهــم ))

وهم .. كل المواعيد
تعب .. كل المواعيد
باسم الحب .. باسم الشوق
مأساتي معاك تزيد
واتم بعيد .. وتتم بعيد
واتم مثل الحزن .. انطر سحابة عيد
اجي ملهوف .. عطش تحت المطر ملهوف
وقتي يطوف .. لوني ضايع ومخطوف
يضيع الشارع بصمتي
وصمت الانتظار سيوف
وكل ما مر وهم صوبي .. اقول انتي واتم بعيد
ألم .. كل ساعة .. وكل لحظة ألم
وين عيون حبتني .. ومنتني؟؟
وقالت لي نعم
تلاشت فرحتي .. وتاهت خطوتي
وحلمي كبير .. في لحظة انهدم
وكل ما مر وهم صوبي .. اقول انتي
واتم بعيد .. وتتم بعيد
واتم مثل الحزن .. انطر سحابة عيد

(( ابعاد ))

ابعاد كنتوا ولاّ قريّبين
لمْراد انكم دايم سالمين
ما اقول غير الله ..
الله يكون بعون كل العاشقين
اشتاق .. واسأل عنكم الأشواق
لفْراق .. ما غيّر علي لفْراق
عساكم ما نسيتوني عساكم
عسى ما مر هوى بعدي وخذاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين
منيتي أسهر معاكم كل ليله
واشتري بعمري رضاكم ليله
يراودني أمل في ليله القاكم
واطرز بالفرح أحزان فرقاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين

(( في الجو غيم ))

قبل الوعد
جيت بدقايق
بعد الوعد
جات بدقايق
والتقينا بلهفة العاشق .. التقينا
واهمست .. العيون بتشاور علينا
شاغلتنا
لاحقتنا
واحنا تونا ما حكينا
جيت اقول .. وابعد الخوف بكلامي
جيت اطمنها .. واحسسها بغرامي
قاطعتني .. واهمست همس النسيم
أرجوك ابعد ابعد
ترى في الجو غيم
راحت .. مشت
وعيوني تتبعها
راحت .. مشت
مجبور اودعها
يرضيك يا شوق
كذا العيون تمنعها ؟
يرضيك يا شوق
تطالعني واطالعها ؟
والله لولا عيون الناس
والله لولا كلام الناس
لامشي وراه واتبعه
وازرع في قلبي ابتسامه
آه .. يا أجمل وعد
آه .. صابتك عين الحسد
شاغلتنا
لاحقتنا
واحنا تونا ما حكينا
جيت اقول .. وابعد الخوف بكلامي
جيت اطمنها .. واحسسها بغرامي
قاطعتني .. واهمست همس النسيم
أرجوك ابعد ابعد
ترى في الجو غيم

(( المعازيم ))

يوم اقبلت
صوّت لها جرحي القديم
يوم اقبلت طرنا لها
آنا وشوقي والنسيم
وعيونها .. آه يا عيونها
عين لمحتني وشهقت
وعين احضنت عيني وبكت
ويا فرحتي
الحظ هالليله كريم
محبوبتي
معزومه من ضمن المعازيم
في زحمة الناس
صعبه حالتي
فجأه اختلف لوني
وضاعت خطوتي
مثلي وقفت
تلمس جروحي وحيرتي
بعيده وقفت
وانا بعيد بلهفتي
ماحد عرف شلي حصل
ماحد لمس مثلي الأمل
كل ابتسامه مهاجره جات
ورجعت لشفتي
كل الدروب الضايعه مني
تنادي خطوتي
ويا رحلة الغربه وداعاً رحلتي
ويا فرحتي
الحظ هالليله كريم
محبوبتي
معزومه من ضمن المعازيم
يا عيون الكون
غضي بالنظر
واتركينا اثنين
عين تحكي لعين
اتركينا الشوق ما خلّى حذر
بلا خوف بنلتقي
بلا حيره بنلتقي
بلتقي فعيونها
وعيونها أحلى وطن
وكل الأمان
ويا فرحتي
الحظ هالليله كريم
محبوبتي
معزومه من ضمن المعازيم

(( عطشان ))

عطشان .. اسمع يا نهر
عمر الصحاري والجفاف
عمري انا ما مر على عمري مطر
عطشان لدموع الشتا
مشتاق للون الخضر .. عطشان اسمع يا نهر
صبري عزف .. صبري نزف
انا النخيل .. وانا ارتجافات السعف
ناديتك بصوت العطش
ياللي ما تسمع نشف
شوقي لوّح لك وقف .. ترابي لوّح لك وقف
والصمت في صرخه اعترف
من اين ارتوي؟؟
والدنيا صحرا وبس
النار تحتي .. وفوقي عين الشمس
الشتا .. في الصيف اختفى
والغيم .. ما عنده وفى
وانا العطش بيتي
ونسيمي عاصفه
عطشان .. لدموع الشتا
مشتاق .. للون الخضر
عطشان
اسمع .. يا نهر

((واحد من الناس))

بكل طيبة العشاق اطلب ننتهي
سافر وغيب وننتهي
بتشوف ناس .. وتحب ناس
وتنسى وأكون بدنيتك .. واحد من الناس
كنت أتصور إني لك .. وانته عارف منزلك
جدّت ظروف .. وعينك تشوف
صرت بصعوبه أقابلك .. صرت بألم اشتاق لك
سلمت .. انا مالي غير الصبر
آه لو تدري بعد هذا العمر
إسمك إذا مرني .. يعطرني عطر
آه يا كل العمر
كون بمكاني وشوف عانيت شكثر
بتشوف ناس.. وتحب ناس
وتنسى .. واكون بدنيتك واحد من الناس

((آن الأوان))

مثل ما ياخذك النسيان
أنا مثلك أنا انسان .. وهم أنسى
أنا وقت التعب .. مثل السفن
لي شافت المرسـى
يا مخدوع في فرحي .. أنا في ضحكتي جرحي
وأمامك كلمتي خرسى
ناديتك .. بصوتي المتعب الولهان
ناديتك .. وانتظرت سنين
ناديتك .. وصوتي والصدى للآن
ناديتك .. لا حسيت ولا رديت
وصوتي والصدى للآن
غيابك .. وصل أفراحي إلى الأحزان
أشوفك راحتي .. ومنك أنا تعبان
يا مخدوع في فرحي .. أنا في ضحكتي جرحي
وأمامك كلمتي خرسى
آن الأوان
انا بارتاح من ياسي
من خوفي أنا .. انا بحاجة لأمان
وداع يا شوق .. يا ذكرى
وداع .. يا زمانٍ كان
وكل اللي أقوله الآن
أباركلك النسيان
يا مخدوع في فرحي .. أنا في ضحكتي جرحي
وأمامك كلمتي خرسى

((سيدي قم))

انته بعيد هناك وأنا المشتقي

الشوق يبكي فمفرقي

شمعة حياتي بتنطفي

مهما يكون عندي شعور بنلتقي

راج الشتا وجانا شتا

وانا انتظاري إلى متى؟

أتذكرك مثل الغريب لما

يتذكر ديرته

اتذكرك بس لي متى

اسأل واسأل لي متى؟؟