' شمس بردي ' .. بقلم سلطان المطيري

' شمس بردي ' 

والله اني قبل م أسأل كنت داري
قد تردّدت و تلقّفت و قريته
هالورق ليه اختصر نارك بناري؟
ما بقى به شي غامض ما نسيته
من سرقنا صمتنا والشوق عاري
كم كساني وانتظرني ما كسيته
ايه في ضحك الزمن صوت انكساري
كل ما قفّى بنور الصبر جيته
ما سألت العمر عن لحظة قراري!
في عيوني حزن دمعٍ ما بكيته
شمس بردي وش بقى لآخر نهاري
الهروب اللي تعلّق بي جفيته
ودي افهم لا متى هالحلم ساري ؟
في متاهات الخيال اللي هويته
صدّق اني عن عطر ذكراك داري
قد تردّدت و توهقت و قريته

سلطان عبدالعزيز المطيري