المطيري يهدي العتيبي شعرا

' إن تعذرنـا '

اهداء الى الأخ طلال صالح العتيبي.

صاحبي راسك ينومس ويدّك ما تشيب

مالقينا يا ابيض الوجه ليدينك مدا

كايدٍ بالمرجلة لك من الحكمة نصيب

ومايحرك كايد المرجلة ضايع جدا

حي وجهٍ ضحكته للرفيق وللحريب

والردى لو سيق لك ما انت من ردّ الردا

عادة النادر 'مباخر'عطا دسم المِجيب

وان لفت له موجعة مالقت عنده صدا

كم رفيقٍ لا ذكر حاجته لك مايخيب

مالقى بالوجه ضيقة ولا عذرٍ بدا

ماغبطنا غير ربعك لا عدّو من يطيب

وما فقدنا غير خوّتك لا قفى بك ندا

ان تعذّرنا خطانا على ستّار عيب

اكتسينا بالحيا والرجا بك ما هدا

وانت مانال 'الحناتيش' من ذكرك غريب

كفو والنعمين والعود يزداد وفدا

صاحبك وان ضاق صدره بقا صدرك رحيب

والقصايد ما تجمّل  بها مهما حدا

سلطان عبدالعزيز المطيري