'راعي الشتلة '

البارحة خوَّن الما راعي الشتله

ومنوة كفوفه جفتها تينة ذنوبه

ابطى يغني علومه في رجا طبله

وما دلته للطريق أوجاع مكتوبه

العز قسمة وكلٍ حظه برحله

والكل قدره يشوفه يوم ماجوبه

ومن زاده الله حكمة جمِّله وبله

ما دام له بالكرام عروق منسوبه

أصوات بعض العرب لا جيتها جزله

وان سلت سيوفها للفتك مثلوبه

البارحة مهدِيٍ عنتر على عبله

إذنه وعقله وصوته واكبر جيوبه

أول خطاياه بامه والردى لاهله

وياليته اتبع خطايا عمره بتوبه

لاشب له نار تلقى في حطبه اثله

وان جاب فنجال نفسه فيه مصبوبه

وإن جيت له بالحشيمة جالك بخمله

والصدر باللي حوى تمايل جنوبه

يصبح بجهله ويرجع يمسي بجهله

ماعلمته السنين ان الغبا نوبه

ليته يودي عيونه عالي النخله

يمكن يجي له طموح المجد ودروبه

ومادام مستوطنه نظراته الرمله

ماشاف قدامه ولافاد له طوبه

والا الهبايب تجي وتمربي سهله

مادامها دوب سفحك يالجبل دوبه

    

  ثامر المطيري