'بقايا حقيقة'

طال البعاد وبدِّلت دورنا دور

والوقت شق بوجه سلمى طريقه

يا طيش سلمى يا عسى الذنب مغفور

ماضيع الظالم خطاه بزعيقه

ياليت هداج العطا ما هدم سور

ولا ذبح لي كل ليله عقيقه

 كم فاض مده واغرق الساحل بحور

وراح يتخبط بالحيا من غريقه

 أبطى يمد الطيب والطيب مشكور

 واكثر يدينه في خفوقي طليقه

خلّف برحم المدْبره عود مكسور

و العود نبّت عود يشبه عتيقه

ان جيت صدره ممتلي نار و قدور

وان قمت صدره ينوجع من شهيقه

وده يطيب الحال والحال مفقور

وده بظل ساتره ما يطيقه

وده تجي له فزعة ساعة الجور

لا غاب حظه في مكان يضيقه

ودام الرجال جيوب وسقوف وصقور

كلّي على ما احتاج ويبل ريقه

تو ما حنا ظهر الغلا البعد والزور

وقدره رفيقه في حياته رفيقه

اكذب على نفسي عسى ماهي دبور

والكذب في جوفه بقايا حقيقة

لديت ادور لي خبر يآخر الدور

وهذا مكانه يوم ضيّع عقيقه