'خيل الحنين'

سولفت لي عن ليالٍ بردها يدفيني

ذكّرتني كل شيٍ خافقي محتاجه

كان حول أطلالها بعض الأمل يكفيني

مر عمري كن هالفرقا تحب إحراجه

الشعور اللي سرى مني سرى يبكيني

كن ليل الدمع يضويه التعب  بسراجه

اعرف أني لابكيت ابكي على مشقيني

 واصهلت خيل الحنين وخبّبت منعاجه

ولو 'خف حنينها' حولي ترى يرضيني

 كنت طفل سهل  يرضى لا فقد له حاجه

لاشرقت شمس الصباح اضمها في عيني

والغروب اكره مواعيده واشوف إزعاجه

طار طير الخافق بسرّي عسى يلفيني

ما لقا له عش ياليته بقى بدراجه