معناها راحوا فيها,..

الناس تقول: أكيد راحوا فيها تجار الإقامات، وشركات امتصاص عرق العمالة الوافدة على حساب المبادئ الدينية والقيم الإنسانية والقانون وصورة وأمن واستقرار الكويت..

لأنه عقب تصريحات هالوزراء وهالنواب، أكيد، أكيد، أكيد راحوا فيها..

وباجر تشوف شراح يصير: إعلان أسماء الشركات المتورطة وملاكها ومجالس إداراتها وقيمة عقودها الحكومية والكيفية التي تلاعبت فيها بالقانون واستهترت فيها بالعقود، وهذا اللي راح يصير صدقني من منطلق الشفافية ومحاربة الفساد، وإثبات- لكل المشككين- إن الحكومة إصلاحية...

باجر تشوف!

بس يا خوفي لا تروح كل هالتصريحات والتهديدات والبيانات هباء منثورا، أو 'صيحة في سوق الصفافير'.