ردا على نعت 'الشوارعية':

 نعت 'الشوارعية' الذي استخدمه السيد جاسم الخرافي- رئيس مجلس الأمة- (انظر الرابط: http://alaan.cc/pagedetails.asp?nid=52066&cid=30

 لم يعجب الشاعر حمد المخيال، فعبر عن نقده له بقصيدة:

تسبنا والنفط توِّ ما ملكته؟ ** وشلون عقب الخصخصه وإحتكاره؟

هذا كلامٍ قلت وآنا سمعته ** يعني بتطفي النار تشعل شراره؟

لولا الشوارع منصبك ما وصلته ** أرجع على الشارع وتعرف قراره

يا حضرة الريس كلامك وقلته ** يا من سعيت لشعبنا في دماره

تبي تكوّش موردٍ ما عتقته ** ياللي معك عشنا وذقنا المراره

أسمع يا ريس ناتج اللي حسبته ** مشروع في مشروع راحت خساره

إستاد جابر كم سنه ما عمرته ** ومستشفى جابر ما بنيتوا جداره

وصلها للي يدفعك واستشرته ** ما كل ليلٍ مر يطلع نهاره

ولا كل مره ندمح اللي فعلته ** بعض الحكي ما فاده معه إعتذاره

البارحه بير الشوارع وردته ** واليوم وسط البير ترمي حجاره!

حمد المخيال