خلاص يكفي شعبكم لا تخسرونه

خلاص يكفي شعبكم لا تخسرونه ** الضرب وإن زاد يكسر قاسي إلحامه

نسكت نجامل نقول اللي تشوفونه ** من فوق ظلم الليالي نرفع الهامه

حبٍ من القلب صافي در مكنونه ** ومن حب شعبه يلاقي الشعب قدامه

حنا سيوفٍ لوقت الضيق مخزونه ** قد جرب سيوفنا جابر ومن ضامه

نضرب على راس عدوانه ويا عونه ** من فوق راس العدو صارت له قيامه

ليلٍ وياليل ليلٍ مطول شجونه ** ومن كان له حلم فينا يلعن أحلامه

هذي مواقف وفا مدفوع عربونه ** ما هي سواليف منهو ضيّع أحزامه

أيام عمر الفتى ماهي بمضمونه ** لو عاش ما عاش حقٍ يلبس الخامه

حمد المخيال