محمد الملا وده ‮يطلع أي‮ ‬مسؤول ويقول إحنا وين رايحين ليش مشاكلنا ما تنحل ليش الديرة تنباق والكبار تحفظ قضاياهم ؟!

للأسف‮ ‬لانك كويتي     
Sunday, 30 May 2010 
محمد أحمد الملا

يا ليت الحكومة تعتبر الشعب الكويتي‮ ‬من جزر الواق واق حتى ترسل الصندوق الكويتي‮ ‬لإقراضهم ومساعدتهم على توفير الكهرباء والبنية التحتية‮  ‬وإصلاح الخدمات الصحية،‮ ‬لكن‮  ‬حكومتنا‮  ‬ماراح تسويها لأنهم‮  ‬للأسف كويتيون‮ »‬ومن هيك‮« ‬بعض المسؤولين لن‮ ‬يقوموا بالتوقيع على مشاريع‮  ‬تفيد البلد،‮ ‬والمواطن‮  ‬راح‮ ‬يبقى تحت خط العازة و‮ ‬ينتظر سنين وسنين حتى‮ ‬يحصل على بيت الحكومة ويورث مبدأ العازة والانتظار والصبر لعياله‮  ‬ولأنه كويتي‮ ‬مطلوب منه‮ ‬يتحلطم بالدواوين ويلعن ويسب الحالة المايلة والطوفة الهبيطة،‮ ‬وبعدها‮ ‬يروح البيت ويفش طاقته بالمره والعيال المساكين وطبعا الجيب للأسف فاضي‮ ‬كل هذا لأنه كويتي‮.‬
ما‮ ‬يقهر أن الكهرباء والماء تنقطع بكل صيف و أدوات القطع المبرمج ما تطلع إلا بالصيف والحل حسب رأي‮ ‬الحكومة بإعلانات الترشيد حتى‮ ‬يستفيد التاجر وربعه المسؤولين من المصلحة ومع هذا الماء والكهرباء وصلت الخطوط الحمراء للقطع‮  ‬وراح‮ ‬يلبس الكويتي‮ ‬وزار ويشتري‮ ‬المهفة بالأقساط المريحة وكل هذا لأنه كويتي‮ ‬بس لوكان أميركي‮ ‬لفرشوله الأرض ذهب واشتروله جني‮ ‬مصباح علاء الدين‮ ‬يحقق‮  ‬كل أمانيه،‮ ‬ولأنك كويتي‮ ‬ماراح تلقى قطو‮ ‬يعطيك المصباح،‮  ‬وراح تبقى تحت رحمة توقيع مسؤول حتى‮ ‬يذلك بكل معاملة‮.‬
عندنا المواطن إذا حب‮ ‬يسوي‮ ‬معاملة‮ ‬يلف كل الوزارات علشان توقيع وبعض الموظفين‮  ‬تلقاهم بالقهاوي‮  ‬يشيشون من القهر وأكثر تحلطمهم أنا أشتغل طول السنة وما أحصل على أعمال ممتازة،‮ ‬وإلا ما‮ ‬يداوم ووراه النائب الفلاني‮ ‬أخذ كل شيء،‮ ‬بذمتكم هذي‮ ‬ديرة ؟ وطبعاً‮ ‬هالأمور موغريبة لأننا عندنا نظرية الهرم المقلوب وكل هذا لأنه كويتي‮ ‬شريف بسيط فقير على باب الله‮  ‬وأحد الموظفين طاقة جبده من القهر‮ ‬يصرخ ويقول لجنة بوزارة التربية ميزانيتها من المكافآت والقرطاسية ثمانمئة ألف دينار بالسنة‮  ‬إش راح‮ ‬يسوون‮ ‬يبنون مستشفى وإلا قصر وإلا طائرة وآخر شغلهم توصيات مع كراتين ورق راح‮ ‬يحطونها في‮ ‬المخازن تأكلها الفيران وطبعاً‮ ‬المهمات الرسمية،‮ ‬قصدي‮ ‬السفرات،‮ ‬لها ميزانية أخرى ويختم تحلطمه بتحلطم‮  ‬موقهر،‮ ‬وأنا أرد عليه‮: ‬كل هذا للأسف‮  ‬لأنك كويتي‮!‬
كل شيء عندنا‮ ‬يتراجع ويبوننا نضحك ونغني‮ ‬ونروح الخفجي‮ ‬نشتري‮ ‬الماجله من هناك علشان نقتصد بكل شيء حتى في‮ ‬تحلطمنا وقهرنا،‮ ‬ودي‮ ‬يطلع أي‮ ‬مسؤول ويقول إحنا وين رايحين ليش مشاكلنا ما تنحل ليش الديرة تنباق والكبار تحفظ قضاياهم،‮ ‬ليش المعاشات ما تكفي‮ ‬حتى نهاية الشهر،‮ ‬ليش هالزحمة ليش المواطن‮ ‬يموت تحت بند الأخطاء الطبية،‮ ‬ليش ما تنحل قضية الزحمة،‮ ‬ليش ما‮ ‬يتحسن التعليم،‮ ‬ليش الحرية تعتقل،‮ ‬ليش نواب الأمة سكروا تلفوناتهم بوجه الشعب الغلبان،‮ ‬ليش صرنا ليش‮ »‬؟؟؟؟‮« ‬وأنا أجاوبكم‮: ‬لأنكم للأسف كويتيين من هالديرة‮  ‬دوركم ممثلين كمبارس تكملون العدد لأي‮ ‬مشهد تمثيلي‮ ‬في‮ ‬النهاية إذا الحكومة اسمعتكم وحلت مشاكلكم تبقى موهذي‮ ‬الكويت ويبدو أن خيرنا ودمنا للغير وليست‮  ‬لمواطن‮ ‬يتمنى أبسط الأمور‮.‬
والحافظ الله‮ ‬يا كويت