10 نصائح للتغلب علي بعبع الثانوية العامة

امتحان الثانوية العامة البعبع الازلي لمعظم الطلاب.. عفريت العلبة اللي بينط في وش الأسرة المصرية كل سنة في شهر يونيو.. لذلك نقدم بعض النصائح للطلاب تساعدهم في التغلب علي الخوف الوهمي من الامتحانات التي تبدأ بعد غد. مبدئيا ضع صورة من جدول الامتحان علي مكتبك ­ او فوق السرير ­ وراجعه يوميا قبل المذاكرة حتي لا تفاجأ بمراجعتك لمادة ليست هي التي علي جدول اليوم ­ متستغربش من النصيحة دي وتتريق عليها في طلاب كتير وقعوا في الكارثة دي وذاكروا مواد مش هية اللي هيمتحنوها.. بعد كدة ضع لنفسك جدول زمني للمذاكرة والمراجعة وحدد أهداف لازم تحققها وتنجزها يوميا ..عشان متضيعش وقتك. اعمل مذكرات دقيقة ومركزة تكون تلخيص ترجعله عند المراجعة ­ وممكن تسميها الزبجد . لازم يكون الجو المحيط بك أثناء المذاكرة مريح وهادئ.. وتتوافر فيه اضاءة جيدة وتهوية متجددة.. ويكون بعيدا عن وسائل الترفيه زي التليفزيون والبلاي ستيشن. ومتشربش شاي وقهوة كتير هتتسبب في حالة نشاط سريعة يعقبها خمول وارتخاء ­ وانت مش ناقص ­ وكمان اوعي تسهر لمدة طويلة او تعمل فيها مجتهد 'وتطبق'.. لانك لو 'طبقت' هتروح الامتحان مش مركز لازم تنام كويس ..عشان تعرف تسترجع المعلومات اللي انت ذاكرتها .. وأفضل وقت للمراجعة بعد صلاة الفجر بعد ان يكون الجسم قد نال قسط من الراحة.. وأهم حاجة اوعي تذاكر وانت مستلقي علي السرير .. عشان أكيد هتنام . داخل اللجنة وبعد هذه المرحلة تأتي مرحلة الجلوس داخل لجنة الامتحان ­ عشان يجكرم الطالب أو يجهان ­ قبل أي حاجة لازم تقرأ ورقة الأسئلة جيدا.. ولا تندفع إلي الاجابة بسرعة لانك قد تخطئ في قراءة أي سؤال .. وساعتها هتضيع عليك درجات من غير لازمة .. وابدأ بحل الأسئلة التي تري أنها الاسهل وتستطيع حلها ­ هتلاقي القلم مشي في ايدك زي السكينة في الزبدة ­ ومتنساش وضع علامة في ورقة الاسئلة علي كل سؤال تقوم بحله ودائرة مثلا علي كل سؤال لم تحله عشان متنساش الاجابة علي أي سؤال.. وعن تجربة ومن خلاصة وعصارة تجربتي في لجان الامتحان علي مر السنوات 'حلوة عصارة دي'. السؤال اللي متعرفش اجابته خمن له اجابة وده افضل متسيب الورقة فاضية ­ واكيد عقلك الباطن هيكون فيه شيء من الاجابة الصح.. وفي الآخر بعد ما تخلص الامتحان وتخرج من اللجنة انسي كل حاجة وماتراجعش مع حد الاجابات ­ عشان لو حالل وحش 'متتنكدش' وركز كل تفكيرك وجهدك للمادة اللي جاية.. واعمل حصر للوقت المتبقي بعد خروجك من اللجنة حتي بدء الامتحان القادم.. وحدد جدول بالساعات حتي تنتهي من مراجعة هذه المادة قبل الامتحان فيها.. وطبعا كرر نفس العملية بعد كل امتحان ­ ومتنساش تدعيلي.