اقتراحات نائب!

الشاهد الله أبتلشنا بقتراحاتك ** ما فيه لك موقفٍ يجمّل الصوره

يا كثرها لو حسبنا اليوم غلطاتك ** تطوف سلوى وسلوى بنت معذوره

أركد وراجع على نفسك ملفاتك ** اللي تبرد وهي بالأصل مكسوره

ليتك توفر كلامك وابتكاراتك ** تراعي الشعب هذا وترحم شعوره

تبي تجمّل؟ تجمّل فك مخباتك ** من ثروةٍ عندكم بالكيس مصروره

أدفع ويرجع رصيدك في حساباتك ** الله يخلي الحكومه فيك مسحوره

في كل عامٍ تزيدك بمتيازاتك ** وفي موقف الضيق تاخذ منك الشوره

مع الحكومه وسجلها نهاياتك ** عميا وتكحل لها يا سامعي عوره

حمد المخيال