حر ينومس ما مشي فالنقايد

سطر الشاعر خلف العارضي أبيات تضامنية مع سجين الرأي زايد الزيد، في ما يلي نص الأبيات:

زايد علي اسمه فالمواقيف زايد
                  سخر قلمه لكلمة الحق ماخاف
يفداه جمع مدورين الفوايد
                      المجلسين وكل رجال خواف
حر ينومس ما مشي فالنقايد
              شريف واخوانه من الناس الاشراف
اي والله اعرفه صميدع وقايد  
                  يضرب نحر ما يلتفت يم الأطراف
كريم سبله والكرامه عوايد
                  من دونها يرخص ثقيلات وخفاف
علمٍ قريته في جميع الجرايد
                كدر على قلبي وسبب له إزهاف
الحر يسجن والفداوي يعايد
                 والله ماصارت يا هل الضاد والكاف
في كل هيّه مايوقف محايد
                  ياينتصر والا علي ظهر الاسعاف
الله يرحم من عطاه الفرايد
                         أبوه ورثه الفرايد والاسلاف

للشاعر / خلف العارضي