الشاب سعد العدواني يهدي مسلم البراك شعرا

الشاعر الشاب سعد مسفر العدواني أهدى النائب السابق ومرشح الدائرة الرابعة مسمل البراك أبياتا من الشعر جاء فيها:

حان الوعد حان الوعد يا رياجيل
واللي يخون العهد ماهو بمنا
الوضع ما يحتاج شرح وتفاصيل
عشان راس الهاملي احتزمنا
تشهد له الاجيال جيل(ن) ورى جيل
ويشهد له التاريخ درع لوطنا
لو زود الاعلام كذب واقاويل 
ولو كل جاهل بالكلام يتجنا
ولو كثرو تضليل فالصبح والليل
ولو كل ورع(ن) بانحطاطه تدنا
يبقى مسلم رمزنا يالمهابيل
ويبقى مسلم نادرن في زمنا
مجمله فعله بليات تطبيل
يوم(ن) غيره جالس(ن) ويتمنا
ضمير للامه وصوت المشاكيل
سيف(ن) مهو بأي سيف.. سيف(ن) محنا
يستاهل التصويت يوم المحاصيل
اللي على شان الكويت يتعنا
ويستاهل الشعر ولحون المواويل
من غير ابن براك فيه اتغنا
حنا معك لا كشر(ن) الغرابيل
ابشر بعزك كلنا معك حنا
نعرف من الراشي ومن يرهي الكيل
ونعرف من اللي للحوار يتبنا
يا جعل من جابك على قبره السيل
ويفداك مسترزق وقابض طعنا
وتكفون ياهل الرابعه يالحلاحيل
لا تتركون اللي غزا مع مهنا
ما نبغي الهافي ولا نبغي الذيل
ولا نبغي اللي بالزحام يغبنا
الوضع ما يحتاج شرح وتفاصيل
صوتو مع اللي نادر(ن) في زمنا