وزارة الخارجية للعمالة الأجنبية!!

كل يوم والثاني عامل وافد منتحر..

كل يوم والثاني كبسة مباحث على بيوت الدعارة بالجليب وغيرها..

كل يوم والثاني، جريمة قتل ضحيتها عامل وافد..

كل يوم وكل ساعة استغلال بشع لجهد وعرق المساكين والعمال من 'مصاصي' الدماء ومافيا العمالة والإقامات اللي يشغلونهم وما يعطونهم معاشاتهم..

وإذا أحد تكلم من المنظمات الإنسانية أو الدول الأجنبية: تنافحت وتنافخت الخارجية:

جذب! مو صحيح! أبدن! ما صار! ما عندنا تجارة رقيق ولا ظلم للعمال..

الواحد قام يشك: لا تكون مافيا العمالة من الخارجية نفسها؟؟

ما يندرى! كل شي بهالبلد يصير..