القلوب المغطَّاه ... شعر د.محمد الرتيان

"الطيب مات ولابقى غير ذكراه "
هي كانت حياة أقرب إلى المثالية ،ملؤها الصدق ونقاء النية، تحولت إلى حياة جافة تسودها اللامبالاة ،وانحسار
الطيب بين الناس.
هنا الشاعر القدير د. محمد الرتيان يستهل تواصله معنا بنص شعريٍّ بهيٍّ ، متشح بعمق الدلالات ، وانسيابية العبارات:


القلب حدته الطواري على اقصاه
ياشينه ان حدك على الضيق حادي

ماهو على فرقى الهنوف الخونداه
ولاّ تدهور وضعنا الاقتصادي

لا والله الاّ شي صعب اتهجـّاه
لكن بقوله ياطوال الايادي

كان الله بعون الحروف المقفـّاه
العود الازرق ضاع بين الدوادي

والطيب مات ولابقى غير ذكراه
يرحمك ربي يازمان المهادي

وقتٍ به الطيّب تعزه مزاياه
ماهوب وقت مضيّعين المبادي

واليوم جاه الناس كنـّه نقص جاه
والسالفه مابين مهدي وهادي

أخترقوا أنظمْة القلوب المغطاه
يعينكً الله ياشريحة فوادي

ليلٍ سريته ياعرب طول مسراه
قمت اتفكـّر فالمدن والبوادي

الجدي كنـّا نسبره ونتقـدّاه
واليوم ماكنه لنا كان هادي

ياقل من دلـّو وياكثر من تاه
واللي بدى بالطيب ماكنه بادي

به شي يشرى وشي ياصعب مشراه
يشرى ولكن بالسيوف الحدادي

تبيع لك ناقه أو تبيع لك شاه
أقطع ايديني ان قيل وين انت غادي

لكن منهو باع وجهه وبرضاه
هذا اللي وضعه وضع ماهوب عادي