زمن غابة فرض حب الداب وفروخه

 

عشان تكسب موده في زمن غابه ** تفرض علينا نحب الداب وفروخه !!

ياما سمعنا وشبعنا اعذار كذابه ** هذي اسطوانه سئمناها ومشروخه

الشعب هذا حرام تسلم أرقابه ** لسيوف ناسٍ من الأخلاق مصلوخه

غلطان ياللي تصدّق زمره نصابه ** في ليل مظلم تراها الطبخه مطبوخه

تاريخ يحكي دخيلك راجع كتابه ** من هو بجدِّه يبايع جملة شيوخه

معكم حشى العمر لا ما نحسب حسابه ** فينا وفا ما سكن بكروش منفوخه

حمد المخيال