نواف الفزيع للسعدون: ابنك متورط مع الصقر في المكلسن وحقول الشمال وشارع الهلالي فلماذا تسكت؟

الحاكم بأمره أحمد السعدون كتب:المحامي نواف سليمان الفزيع كلام السعدون الأخير مايحتاج تفسير عندي، قلناها لكم بيقلبها نشب على راس الحكومة، والسبب معروف، حل المجلس والعودة كأبطال مثل كل مره، بس ودي أوقف على جزئية الفساد والاصلاح في كلامه. الحاكم بأمره أحمد السعدون يقول انه لم يصف الحكومة بالاصلاحية، تعال يابو صلاح، أنت تكلمت وايد عن حقول الشمال ولما عرفنا ان ابنك والصقر وكلاء لشيفرون.. سكت، وجهت أسئلة عن المكلسن وقلت عنه حرمنه ولما طلع أن ابنك والصقر شركاء فيه سكت، تكلمت على الهلالي ولما طلع أن ابنك والصقر فيه هم سكت، منت شايف الشبهات اللي تدور عليك وهالدور جاي تتكلم عن حكومة اصلاحية، صلح بيتك بعدين روح صلّح الحكومة! ملاحظين فيك شيء يالحاكم بأمره، كل ما تصارخ بمشروع نكتشف ان الصقر وابنك فيه، مو بعيده باكر الشركة الثالثة للاتصالات فيها مصلحة لأحمد + محمد! انتوا نسيتوا ان القطريين شروا شركة الوطنية للاتصالات، مو بعيده انك تسعى انت وشريكك مع القطريين علشان تشترون هالشركة بعد طرحها في البورصة. ترى خطط أحمد السعدون مكررة مثل خطط مدرب القادسية المشنص محمد أبراهيم هالاثنين مشنصة معاهم (مع الفارق واحد خذا كاس الدوري والثاني خذا المكلسن) بس لو راده على خططهم ترى هي هي عمرها ما تتغير بس المصيبة باللي بلع الطعم وساير هالناس الى حافة الهاوية، البلد ضاعت وفلوسه هو وربعه قاعد تتحول لقطر ولعقاراته في قطر (حتى مزرعته باعها وحول فلوسها لقطر). ترى الشعب الكويتي مايبي منكم شي انتم وحلفاؤكم بالحكومة، اخذوا فلوس الديرة كلها، بس فكونا والله لو على بحاصه هم نبيها، ما فرطنا فيها وتركناها وصدام دخل بيوتنا، بنفرط فيها عشانكم، اخذوا المكلسن والشركة الثالثة للاتصالات وفلوس حقول الشمال بس عطونا ديرتنا، واذا كان على المنصب وكرسي رئاسة مجلس الامة، عندي اقتراح بتسمية احمد السعدون الرئيس الوالد لمجلس الامة، بس فكونا من ازماته! طبعا ام صلاح مايفيد فيها السبع المذاهب، قالوا او ماقالوا عنها ما عاد يأثر فيها، ترى من يوم قال احمد السعدون وربعه عن رئيس الحكومة اصلاحي قلت هالحكومة مافيها خير، لأنها لم ترد على لوبي السعدون وتقول لهم كلامكم غير مقبول فرئيس الحكومة السابق الشيخ صباح اصلاحي أيضا وغصبا عليك وعيب دس السم بالعسل بس شتقول!. ملاحظة: السعدون وعاف نفسك بالطبخة يا ام صلاح وهالمرة بيطبخها على راسك وآآآآآه يابلد!